玲玲友情報｜A1倪嘉雯夥A0馮浩羊玩姊弟戀 張繼聰教導後輩獲封「黃大仙」

堪輿學家麥玲玲帶領倪嘉雯（Carmen）、施焯日（Arthur）主持嘅清談節目《玲玲友情報》，喺11日播出嘅一集主題為「小鮮肉演員」，嘉賓係近年新晉演員馮皓揚（羊羊）。

Arthur、玲玲師傅及 Carmen。

羊羊憑電影《媽媽的神奇小子》中飾演少年蘇樺偉，贏得香港電影金像獎「最佳男配角」獎。羊羊喺節目中講到金像獎頒獎禮當晚，司儀宣布自己獲獎一刻，有點不敢相信，佢話︰「真係呆咗，望望隔籬啱啱識嘅朋友仔，問佢『我呀』，嗰一刻係空白一片。」羊羊話因為太緊張，所以上台時忘記多謝蘇樺偉同蘇媽，好在事後喺訪問中補番。

明晚（11 日）一集嘉賓馮皓揚。

羊羊又分享拍攝電影期間，多得前輩張繼聰指導，因此尊稱對方為「黃大仙」，並笑指︰「我當佢黃大仙咁拜，佢畀好多意見我關於做戲，簡單兩個字『投入』，佢話太多反而吸收唔到，我仲成日問佢，呢啲戲點做嗰啲點做，佢話你唔使諗咁多，你現階段只要投入就得。」

玲玲師傅直言藝人要作不同嘗試，笑 Carmen 接受不到醜角、企街等角色。

此外，倪嘉雯（Carmen）表示除咗做主持外，亦參與劇集演出。她直言不介意任何角色安排，仲話即使做企街都冇問題。Carmen又透露早前同羊羊合作拍劇，劇情牽涉到姊弟戀，更大爆A0嘅羊羊不單怕醜，而且唔識同女仔拖手，她邊示範邊說︰「明明要十指緊扣，佢淨係捉住算。」而被當作道具嘅羊羊顯得好無奈。Carmen更公然喺節目中放閃，親暱貼近羊羊，笑問玲玲師傅及Arthur︰「我哋登唔登對先，有冇夫妻相？」

馮皓揚表示宣布得獎一刻，有點不敢置信，又指自己視張繼聰為「黃大仙」。

Carmen直言不抗拒「姊弟戀」，佢認為最緊要夾到︰「之前蘇師傅（蘇民峰）算過，話我適合搵大9年以上或細過自己嘅男仕做另一半，即係大哥哥或者細路，最緊要溝通到。」Carmen更透露目前status係A1，之前嘅對象年紀都年長過自己。而佢同羊羊雖然係演戲，但依然有種好甜蜜嘅感覺，姊弟戀就有呢種魅力。

Carmen 跟馮皓揚在新劇有姊弟戀情。

《玲玲友情報》，逢周六晚8點TVB Plus（82台）播映