逆天奇案2｜森sir 阿wing大團圓結局 林夏薇大肚出招肉搏匪徒

劇集《逆天奇案2》今晚(10日)大結局，飾演森sir嘅陳展鵬(煎Pan)同阿Wing林夏薇(薇薇)，幾經波折終於成雙成對，劇集有個大團圓結局。不過到劇集尾聲時，突然就有幕林夏薇變身大肚婆做餌，偵查一單強姦大肚婆嘅案件，仲喺後巷同匪徒大打出手，場面驚險，好彩薇薇身手強勁，加上有煎Pan成Team人出手，當然成功對付匪徒。

原來拍攝當日，薇薇本身以為自己有多場對打場口，開工前已不斷踢腿拉筋做定熱身，可惜最後只有一場打戲發揮，但都表現出色。身邊嘅煎Pan就取笑薇薇，可能唔做熱身都有機會繼續打，熱身後就見底所以被迫取消。

大熱天時要打扮成大肚婆，雖然個肚唔係真，但負擔都令薇薇身體升溫，要不斷以風扇吹住自己散熱，佢更多謝身邊嘅演員同工作人員，又讓座畀佢又幫佢，令佢有真孕婦嘅待遇。