譚嘉儀走到街頭宣傳新歌 異地戀故事屬親身經歷

譚嘉儀相隔一年半終於推出新歌《灰燼》，今次搵嚟全新班底製作，連唱腔都有別於以往，唱得比以往溫柔，而嘉儀日前仲搵埋我哋主播潘盈慧，走到街頭進行大挑戰，隨機搵路人聽新歌兼宣傳，聽到唔同人畀唔同意見，嘉儀都話感覺既有趣又新鮮。

以往嘉儀都會參演自己歌曲MV，但係今次就一反常態，不過MV入面異地戀故事就係佢嘅親身經歷，由同男友好甜蜜，因為異地關係少咗溝通而變得冷淡，繼而有好多爭拗，最終就經營唔到落去。佢話自己段異地戀維持咗年半，當時佢身處新西蘭，而男友就喺德國，最後選擇分手，若果有得再揀，佢都唔會再揀異地戀，因為覺得太辛苦。