KID宣布太太陀B女湊好字 見ENERGY重組戥老友坤達開心

KID宣布太太陀B女湊好字 見ENERGY重組戥老友坤達開心

台灣藝人 KID林柏昇 日前喺社交平台開心宣佈,老婆陀緊嘅第二胎係囡囡,兩年抱兩仲要湊成個好字,唔怪得KID呢日出席代言活動春風滿面啦!KID話雖然自己拍攝外景好忙,但無論返到屋企有幾攰,都堅持要陪阿仔瞓覺。至於老婆因為第二胎嚴重孕吐影響心情,KID就話自己會煲湯氹孝敬老婆,果然係廿四孝老公。

台灣男團ENERGY近日重組,重組後嘅首場簽唱會吸引超過五千位粉絲到場,一路簽名簽到凌晨三點,魅力比起當年有增無減,KID嘅老友坤達都係其中一位成員,KID就話好戥老友開心,不過都覺得佢地年過40仲要勁歌熱舞有啲辛苦。同樣以團體Circus出道嘅KID,即管見到ENERGY嘅高人氣,但問佢會唔會心郁郁想重組Circus,佢就即刻耍手擰頭,佢話Circus四位成員依家喺各自嘅領域都有好好發展,所以唔會考慮重組,不過KID就搞笑話,如果有人高價邀請,就唔排除會重組啦!

熱門搜尋