溫碧霞為自家品牌上陣做Model 直播撼低對手謀擴張開實體店

溫碧霞 去年推出自家服裝品牌同時成立網店，據指推出嘅服裝反應不俗。近日佢就再任生招牌，再親自操刀設計碎花系列夏季服飾，又親身上陣拍攝硬照廣告。

Irene早前為新一季服飾拍攝硬照廣告

Irene公開身穿新款產品包括露肩玫瑰花白色長裙同紫色碎花裙嘅相片，佢仲話因為成績不俗而有意擴張生意：「計劃開實體店同物色加盟商，遲啲會線上線下同步出售，擴展業務。」

開業大約一年後，佢就打算將生意繼續擴張喇
Irene嘅品牌雖然成立時間唔長，不過網店成績就令佢非常滿意，加入最近開始喺內地直播銷售同樣有唔錯成績。日前佢喺抖音直播，仲創下當日內地直播平台銷售冠軍，短短幾小時銷售額就突破700萬人民幣，難怪令佢雄心萬丈喇。