余安安長女再添一子 曬手腳相曬幸福:最Precious嘅母親節禮物

余安安長女再添一子 曬手腳相曬幸福:最Precious嘅母親節禮物

余安安 於聽晚首播嘅《家族榮耀之繼承者》當中,同 羅嘉良 扮演一對又有 羅子溢 飾演乖仔,劇中身為全家主管嘅「二少奶」面對豪門嘅爭風呷醋,自然係對人歡笑背人垂淚。不過現實中嘅安安姐,就有兩位又乖又叻嘅千金,今日母親節佢仲公佈收到最好嘅禮物,因為身為律師嘅長女李文琪繼2021年6月宣布誕下兒子Declan之後,近日再誕一子,安安姐再任婆婆。

安安姐嘅長女(左一)同丈夫近日再誕一子,母親節婆婆收到最禮物有最靚婆婆之稱嘅安安姐,不時狂曬同孫仔出遊嘅溫馨紀錄同兩位千金關係亦非常親密,有如三姊妹一樣

安安姐Post出去醫院探望乖孫嘅溫馨相片,大手拖小手之餘,BB嘅手仔腳仔婆婆亦都貼出嚟同大家開心Share,佢亦留言話:今年收到最Precious嘅母親節禮物,就係多咗一個健健康康嘅孫仔❤️👶🏻祝大家母親節快樂」,真係睇到相都覺得既甜蜜又溫暖呀。

安安姐出Post貼出外孫嘅手仔腳仔相
社交平台亦不時貼出舊Post,唔知外孫同女又似唔似樣呢?

 相關推薦

熱門搜尋