康城影展周二展開台灣5電影參與 九把刀記者會狂窒柯震東無聲出

今屆康城影展星期二就會拉開序幕，而今屆仲有5部台灣電影會到當地宣傳，呢日舉行嘅聯合記者會，就有 柯震東 主演嘅 九把刀 作品，而首次參與盛事嘅柯震東，仲話心情非常興奮，被老友九把刀當場譏諷，非常搞笑。

呢部新作由籌備到開拍先後歷經11年時間，九把刀就指主要係因為要等柯震東變老，又指角色係隱閉多年嘅高中生，仲因為對社會不滿而學功夫喎。

另一部新片就有 張艾嘉 同 林嘉欣 兩位參與，當中新生代演員 劉奕兒 會扮演張姐嘅千金，不過就令佢有唔少壓大，仲話當初收到消息時驚多過喜，而扮演一個非常忤逆女女嘅佢，拍完之後仲急急向張姐道歉呀。

而演出《美國女孩》時橫掃多個最佳新演員獎嘅 方郁婷 亦有新作參與，不過就因為佢仍然身為中學生，今次就無緣飛往康城參與喇。