修哥澳門開騷龍婷揀衫要襯絕 輝智米羔怕失禮積極排舞助慶

修哥 胡楓 即將去澳門舉行演唱會，呢日將會助陣嘅 龍婷 譚輝智 顏米羔 就一齊現身綵排，修哥仲話非常開心同幾位《中聲》朋友合作，仲非常感謝大家幫忙呀。而龍婷就話從未諗過有機會同修哥同台合唱，仲回憶一次同修哥出席活動時佢嘅暖男關照呀。

而顏米羔就以夢幻嚟形容呢次合作，至於輝智就指過往幾次修哥嘅破紀錄紅館演出自己都有捧場，今次就大家齊齊參與一齊破亞洲紀錄咁話喇。

今次佢哋唔止加緊練習，仲話要為同修哥配襯，連歌衫都要好好安排，唔好失禮前輩嘅演出，米羔同輝智仲話唔可以輸比「舞王修」，要積極練舞咁話呀。