卞約漢相隔7年新作再演夫妻 申惠善嘆角色早逝對戲機會少

韓國女星 申惠善 同 卞約漢 呢日為佢哋相隔7年之後再次扮演夫妻嘅新作宣傳，自喻係電影狂迷嘅男主角卞約漢，仲話新戲係自己最期待嘅作品，而近年經常扮演日本人嘅佢，更笑言今次演出再講韓文嘅感覺令自己非常懷念呀。

而申惠善近年劇集搞笑又得、驚慄亦一樣難佢唔到，今次再同卞約漢合作，仲被對方大讚演技大耀進，佢亦指上次合作已經猶如係成就解鎖，可惜上次作品自己角色早早離世，真正合作場面唔多，點知今次再合作都係一樣結果，唯有寄望下次可以再擦出火花咁話。