鍾欣凌對續集收視感壓力 王少偉支持Energy合體開騷

鍾欣凌 王少偉 Energy嘅 書偉 黃姵嘉 洪都拉斯 等一眾演員，呢日現身新劇續集發布會，劇集其中一位演員許傑輝，因為捲入Me Too風波而退出演藝圈，續集易角由洪都拉斯頂上。

劇集第一季播出反應好好，身為主角嘅鍾欣凌都倍感壓力。書偉所屬男團ENERGY當年同王少偉所屬嘅5566係同期對手，如今Energy合體，更開小巨蛋演唱會，不過王少偉似乎無呢個打算，仲話覺得好攰跳唔郁喎。不過，對於Energy合體開show，佢就話係一個好現象，因為佢話台灣好少秒殺嘅男團。

而書偉6月將會同女友拉埋天窗，不過喺結婚前，佢都有唔少結婚場面要拍攝，佢都話好似幫佢預演婚禮一樣，因為呢排工作太忙，所以書偉都好感激準太太幫手處理。