羅啟豪顏志恒大膽挑機唱跳 中一生為開騷驚喜秘密練兵

第一季《中年好聲音》嘅唱將繼去年《中年好聲音夢想成真演唱會》後，宣布六月再度開騷，舉辦《一班好聲音「十力」無限演唱會》，呢日周吉佩（吉吉）、李佳、羅啟豪、龍婷、顏志恒（Benson）、吳大強、支嚳儀（Venus）、林鉫徫、丁文俊及魏嘉信等十位唱將現身商場宣布好消息同預告詳情，吸引大批粉絲支持，佢哋分別大騷歌喉回饋Fans。

演唱會以突破為主題，佢哋各人秘密練兵希望為大家送上驚喜，雖然對內容保密，但佢哋畀咗啲貼士等大家估吓係咩突破。龍婷話係一樣青春時最想喺台上做到嘅事情。林珈徫透露複雜到連自己未試過。李佳大賣關子大家一定預料唔到嘅事。

Benson大膽再挑戰唱跳，並向羅啟豪下戰書，兩人有舞步及合作環節，Benson仲話成日會唔記得舞步，每次好彩有羅啟豪提點。而魏嘉信、丁文俊同吳大強就秘密練習，只肯透露同唱歌有關。

活動當日適逢母親節，吉吉同Venus分別帶埋仔女現身，不過臨出台前Venus嘅囝囝忽然有啲小情緒爆喊，好彩有吉吉嘅小朋友有幫忙安撫，令Venus囝囝好快收起眼淚。