芷珊約您丨許志安開腔談與鄭秀文關係 盼予機會將壞咗做返好

曾經形容自己係一個「壞咗嘅人」嘅許志安，維修多年終於再返到幕前同大家見面。今個星期日播出嘅《芷珊約您》，黎芷珊將會同觀眾一齊去到安仔澳門演唱會，除咗同大家直擊演唱會綵排與後台花絮外，仲會同安仔進行深度對話。

當中芷珊問到安仔係點衡量自己已經準備好再面對觀眾？佢坦言：「 時間畀咗你，你覺得你有一日係要行出嚟， 一個男人喺家庭係要咁，就算你面對一啲困難，或者說話，你一定要準備好。畀個機會我，壞咗做返好。」而講到佢同太太鄭秀文而家嘅關係，大家感情係咪昇華咗？安仔一臉嚴肅咁表示：「呢件事之後我覺得唔好再用呢啲字眼。」想知安仔點解會咁講，就記得留意星期日 21:30 播出嘅《芷珊約您》。