家族榮耀之繼承者｜佘詩曼手握大權捲入刑事詐騙風波 Benz雄二世祖角色獲讚

由視后佘詩曼(阿佘)、林峯、羅子溢、陳瀅等主演劇集《家族榮耀之繼承者》噚晚(13日)首播。劇情講述喺傳統大家族長大嘅丘家長孫女丘皓兒(佘詩曼飾)，雖然精明能幹，但礙於係女兒身份，加上爸爸丘家大仔守仁(許紹雄飾)看淡權力名利，令皓兒喺家族中一直無法得勢，公司大權落入丘老太爺(劉江飾)二仔守義(羅嘉良飾)同守義兒子智斌(羅子溢飾)手上。

喺權鬥時都可以咁佻皮，阿佘真係演出可愛新高度。公司大權落在丘老太爺（劉江飾）二兒子守義（羅嘉良飾）及守義兒子智斌（羅子溢飾）手上。

因為丘老太爺忽然病重，更留下委託書叫皓兒全權代理集團主席要務，令原本已關係緊張嘅丘家一夜變天。劇集一開播即入權鬥加劇嘅戲肉，而第二集劇情更加緊湊，阿佘更會捲入刑事詐騙風波。阿佘一出場已經引起網民熱討，網民覺得阿佘呢次就好似「Man姐+劉三好」混合體，盛讚阿佘每套劇演出唔同感覺：「今次角色柔中帶剛，同Man姐有明顯分別」。阿佘不負眾望，喺第一集就展現靈活演技，表情神態散發致命魅力。

阿佘今次嘅角色，比起《新聞女王》嘅 Man 姐柔弱好多，仲係好孝順嘅孫女同女兒。

阿佘對於被委任為代主席好詫異。

同許紹雄嘅當場反應都好吸睛。

而劇集另一大焦點就係阿佘同林峯、許紹雄呢個「使徒行者」組合，令網民話好似睇緊《使徒行者4》，而阿佘、林峯、許紹雄喺劇集嘅內地記招亦順民意重現《使徒》經典槍指畫面，引爆集體回憶。而阿峯喺記招紅地氈上為遲一步抵達嘅阿佘開車門，再扶阿佘行紅地氈嘅畫面，盡顯阿峯暖男一面，難怪阿佘大讚阿峯係「絕對完美」好男人。

羅嘉良獲讚盡顯三屆視帝功架。

而飾演二世祖嘅許紹雄一出場已成功入屋，唔少網民對佢呢個淡泊名利、只求享樂嘅「二世祖」大表認同。至於飾演守義嘅羅嘉良，憑穩固演技同樣搶盡焦點，成功展現三屆視帝超強實力。

阿佘喺尋日嘅北京宣傳記招，獲許紹雄同羅嘉良加冕，阿佘勁少女。眾主演在台上重演《使徒行者》經典槍指一幕。對於許紹雄同 Dada 陳靜呢個 CP，網民都係驚嘆不已，並期待二人擦出新鮮感十足的火花。林峯幾個眼神已經有魅力。