鄭子誠拍廣告分飾多角考演技 踏花甲之年更注重心臟健康

鄭子誠拍廣告分飾多角考演技 踏花甲之年更注重心臟健康

上年正式「登六」嘅鄭子誠既係「音樂情人」,亦係「TVB御用奸人」,好快就會投入新劇拍攝,工作時間日夜顛倒在所難免,一開工起碼有幾個月時間天昏地暗,子誠希望到時仍可以兼顧到電台工作,皆因兩個工種好消耗體力,但無論幾忙,最緊要係保持到心臟健康,佢而家同朋友出嚟聚會都係互相交流健康資訊。
鄭子誠就為一個品牌擔任代言人,拍廣告帶出喺唔同情況下,心臟未老先衰嘅警號。

近日鄭子誠就為一個品牌擔任代言人,拍廣告帶出喺唔同情況下,心臟未老先衰嘅警號。而鄭子誠更要一人分飾多角,令佢進一步了解更多心臟問題,同埋考埋演技。鄭子誠就話今次拍嘅廣告好特別,係以劇場形式表達,要一人分飾多角,同以往拍嘅廣告,坐喺度講一大堆對白,完全唔同。
 
鄭子誠更要一人分飾多角,令佢進一步了解更多心臟問題,同埋考埋演技。

導演知道鄭子誠係愛狗之人,專登帶家中愛犬到現場探班,令佢喜上「心」頭,講到平時點樣鍛鍊身體,鄭子誠除咗熱衷於打網球,屋企嘅四隻狗狗對佢幫助好大,因為同愛犬去街、去玩當去做運動,令佢可以得到更大嘅動力。
鄭子誠就話今次拍嘅廣告好特別,係以劇場形式表達,要一人分飾多角,同以往拍嘅廣告,坐喺度講一大堆對白,完全唔同。

熱門搜尋