周吉佩出發英國工作獲吉S粉送機 親自執導MV將順道赴倫敦取景

周吉佩近排工作忙不停，呢日又現身機場準備出發去英國工作，大批吉S粉特登去機場送機，臨入閘前佢哋仲向吉吉送上祝福，令吉吉非常感動，由於係第一次去英國，所以吉吉好興奮，亦好期待趁機見吓當地粉絲，唱歌畀大家聽。

難得去到英國，吉吉除咗出席活動，仲會順道喺倫敦拍攝新歌MV，吉吉預告將會親自執導，佢透露新歌內容同幻聽有關，自己有好多諗法，所以決定親自擔任MV導演，希望透過鏡頭講故事，希望大家拭目以待。

吉吉今次出行有太太陪同，吉嫂完全係助手上身，又幫吉吉拖篋又孭結他，完美演繹成功男人背後嘅賢內助！