直播靈接觸丨葉子楣開腔否認曾拜狐仙 透露曾被三位「小朋友」跟住

由 梁思浩 黃紫恩Jojo 及 黃耀英 主持嘅靈異直播節目《直播靈接觸》，13號晚播出一集，羅泳嫻（裸泳）同風水師周漢明講到凶宅話題，周師傅表示自己親身去過「公仔頭兇案」現場，道行深如佢，事後話「頂唔順」，可想而知情況有幾凶險。
 葉子楣同狐仙信仰專家林千博師傅，上嚟《直播靈接觸》一齊討論「狐仙」呢個話題。
而14嘅晚播出一集，就請嚟嘉賓為葉子楣同狐仙信仰專家林千博師傅，一齊討論「狐仙」呢個話題，葉子楣一出場就話身邊79歲嘅林師傅似佢好友尹光，引得全場哄笑。

葉子楣話林千博師傅好似尹光。
曾經喺三級電影《聊齋艷譚》中飾演白狐仙嘅葉子楣，當年盛傳佢因為拜狐仙，所以先可以瞬間瘋魔萬千男仕，思浩喺節目入面就直接問對方係咪真？葉子楣大方否認話︰「無拜，連拜狐仙呢樣嘢都係今日先聽到。」身旁嘅林師傅亦表示葉子楣1990年走紅時，香港仲未有狐仙堂，加上拜狐仙嘅人有樣睇，而葉子楣個樣就明顯睇到無拜過。
葉子楣否認自己有拜狐仙。
葉子楣指自己雖然拍過唔少鬼片，但慶幸自己未遇過怪事，反而有次出席親友嘅白事時，就遇上靈異事，佢話：「殯儀館位堂倌同我講，有三位『小朋友』跟住我。」之後佢搵師傅做法事同放生雀仔化解，亦從始開始戒食雞呢一類飛禽，因為佢聽人講放生咗啲乜，就唔可以食返。
 葉子楣自爆曾被3位「小朋友」跟住。
而狐仙專家林師傅，就指一般人都會將「狐仙」同「狐妖、狐狸精」混為一談，佢糾正大家想法︰「一個係仙、另一個係妖，已經唔同。」林師傅承認有唔少風塵女子、演藝界人仕信奉狐仙，目的係想增加人緣。Jojo亦指自己拜過狐仙後，試過同一時期有十幾位男仕埋身，令佢受寵若驚。林師傅補充如果立壞心腸嘅第三者，狐仙係唔會庇蔭，之後佢又分享一單關於狐仙顯靈故事，傳聞有位拜狐仙嘅善信遇到交通意外，被拋出車外倒地嗰下，畀一條狐狸尾接住令佢安然無恙。

《直播靈接觸》逢星期一 21:30 及 星期二 21:35 播映