楊潮凱透露老婆將於8月卸貨 體重失控Kellyjackie盼有日唔使再宣揚禁毒

楊潮凱透露老婆將於8月卸貨 體重失控Kellyjackie盼有日唔使再宣揚禁毒

楊潮凱、前香港女子冰球員張芷澄呢日以愛心大使身份,同禁毒大使兼表演嘉賓Kellyjackie出席禁毒宣傳活動,而《星夢傳奇2》亞軍黃洛妍亦有到場支持。
(左起)楊潮凱、前香港女子冰球員張芷澄、黃洛妍、Kellyjackie。
喺17年因為做完胃部手術而令體重開始失控嘅Kellyjackie,已經擔任「禁毒大使」多年,佢話自己15年前創作咗呼籲禁毒歌《不可一不可再》,估唔到而家都仲喺度唱緊,Kellyjackie話:「我希望有一天不用再唱,代表再沒有毒品,不用再宣揚禁毒,就如大會主題無毒一生燦爛人生。」Kellyjackie透露最近同李逸朗有工作合作計劃,同時佢亦都有教緊唱歌。
Kellyjackie喺2017年做完胃部手術後體重開始失控。
身為爸爸嘅楊潮凱,就話除咗有教自己嘅小朋友毒品嘅禍害外,佢仲會畀相關嘅片段,好似吸毒後嘅狀態、傷口等畀小朋友睇,潮凱表示:「與其話比小朋友知唔好,不如讓他們自己看結果,這是我教小朋友的方法。」
潮凱表示老婆將於8月卸貨。
對於即將再做爸爸,潮凱表示太太嘅預產期喺八月,到時會盡量調動工作時間,仲笑言已經預咗BB出世後三、四個月都無得瞓:「心情都緊張,始終隔了五、六年,要重新再照顧初生嬰兒,是另一種學問。我都要重看一些資料,學幫嬰兒沖涼。」

前香港女子冰球員張芷澄,表示作為球員要好有體力,所以要好好珍惜自己,一定不會去嘗試毒品。佢又指而家自己仲係冰球球員,強調唔會放棄打冰球,但同時都希望可以有多啲幕前演出機會。

 相關推薦

熱門搜尋