王嘉爾正休息找尋靈感 盼明年儘快推出新專輯

上星期播出嘅《芷珊約您》節目中，大家都應該感受到 王嘉爾 呢個人氣偶像背後嘅努力同埋對Fans嘅用心，呢日Jackson喺上海出席活動，面對傳媒佢都盡顯細心嘅一面，呢日見到有位記者要踎低拎咪，佢即時話等佢自己嚟，仲叫記者唔好跪低，真係完全無架子呀。

Jaskson表示呢排正處於放空期，因為自己差唔多十年無休息過，佢仲話要製作出音樂作品，係要通過生活嘅方式去從中感受靈感，希望明年可以儘快推出新專輯。Jackson擔任呢個雪糕品牌全球代言人，佢都不忘現場自製雪條，講到最鐘意嘅口味，佢就話自己最鐘意用雪糕整成嘅奶昔啦。