家族榮耀之繼承者丨林峯「車震女」係選美亞軍兼武林高手陳靜惡鬥余安安爆豪門少奶大戰

《家族榮耀之繼承者》噚晚（15日）播出第三集劇情相當精彩，高浚（林峯飾）與丘皓兒（佘詩曼飾）分手真相終極曝光，丘家大嫂朱麗琪（陳靜飾）及丘家二少奶戴綺婷（余安安飾）嘅惡鬥亦將會白熱化。早於第一集講麗琪與綺婷因為丘老太送贈畀丘家新抱嘅祖傳翡翠頸鏈鬧得頗不愉快，皆因麗琪係喺丘老太離世後先嫁入丘家，故喺一眾新抱中，只有佢冇祖傳翡翠頸鏈，並因而經常受綺婷奚落。

余安安最愛刁難麗琪，但陳靜都算沉得住氣。

最愛刁難麗琪嘅綺婷，噚晚呢集向二姨太家碧（張鳳妮飾）提議於即將舉行戲曲中心周年慶典，二人配戴丘家祖傳翡翠頸鏈出席，更狀甚囂張地替麗琪冇翡翠頸鏈感到「不值」；不甘「做手下敗將」嘅麗琪向守仁（許紹雄 Benz 雄飾）半發爛半撒嬌要從守仁前妻美瑛（龔慈恩飾）手上借用翡翠頸鏈，守仁厚住面皮跪求美瑛，可惜失敗收場，最終皓兒雖然鬧爆守仁「重色輕情義」縱壞麗琪，但佢心軟代守仁出面遊說媽咪。

陳靜呢個詐型，絕對係「軟硬兼施」。

經過守仁、皓兒及美瑛嘅努力及包容，麗琪終於得償所願配戴翡翠頸鏈出席周年慶典，以超性感Deep V晚裝打扮搶盡風頭，令綺婷氣至吹鬚睩眼，而家碧全程食花生冷笑不語。劇組透露該場嘅三位「丘太」配戴翡翠頸鏈均係貨真價實，且相當名貴！陳靜談到與許紹雄合作坦言十分開心，笑指許紹雄係「美食大使」：「Benz哥唔單止有經驗，佢仲好幽默，份人好好笑、好Nice，有啲咩好嘢食都會同我哋分享。」

龔慈恩呢幕戲嘅微表情變化都做得相當出色，發火得嚟不失優雅，完全符合豪門大少奶應有嘅氣質。

高浚與皓兒當年分手揭盅，原因係天性愛玩嘅高浚夜蒲期間與惹火女子一撻即著兼演變至激吻兼車震，直擊事件經過嘅皓兒打電話試探高浚，對方企圖講大話矇混過關，結果二人分手收場。

阿佘呢番教訓老竇嘅肺腑之言，又真係幾到point。

噚晚林峯無論係車震及激吻戲均相當震撼眼球，引發「車震女主角」成為網民起底目標。飾演林峯車震對手嘅長髮大眼美女是馬來西亞藝人林雪卉（Sandra），曾在 Miss Global 2021/2022 選美活動中獲得第二名，一對無敵逆天長腿相當無敵，同時兼顧模特兒工作，驟眼睇更有啲似馮盈盈同周汶錡混合體。 Sandra經常做gym身形線條一流，而且身手相當了得，踢腿出拳快如閃電外，瑜伽高難度動作全部輕鬆KO，絕對多才多藝！

皓兒雖鬧爆守仁縱壞麗琪，但還是心軟代守仁出面遊說媽咪。麗琪終得償所願配戴翡翠頸鏈出席周年慶典兼搶盡風頭，令綺婷氣至吹鬚睩眼。三條都係真‧翡翠頸鏈，價值連城！高浚與皓兒當年之所以分手，原來係高浚為天性愛玩。高浚夜蒲期間與惹火女子一撻即著兼演變至激吻兼車震。高浚更企圖撒謊矇混過去。，直擊事件經過的皓兒打電話試探高浚。結果罪加一等分手收場！林峯「車震」戲引熱話，「車震女」係選美亞軍兼武林高手。馬來西亞藝人林雪卉（Sandra），曾在 Miss Global 2021/2022 選美活動中獲得第二名。