解風福岡丨杜如風生日出發福岡開工 大買特買為血拼準備充足銀彈

解風福岡丨杜如風生日出發福岡開工 大買特買為血拼準備充足銀彈

5月16號係杜如風(Helen)正日生日,佢呢日現身機場準備出發去福岡拍攝《解風福岡》。Helen預告呢趟行程非常特別,包攬食、玩、買,大家一定要拭目以待。

Helen近期日圓匯率下跌,最適合就係大買特買!所以Helen已準備好銀彈到時盡情血拼,連行李箱都拎咗三個。不過Helen話自己呢趟行程淨係衫都拎咗廿套,仲有啲日用品之類,所以佢愁到時要點擺啲戰利品,但好在佢有一班好同事,大家已預咗啲位幫Helen擺戰利品。
 
講到有啲咩生日願望,Helen希望今次一切順利。因為要喺日本拍24日,佢擔心自己體力捱唔住,加上一日要開14個鐘頭工,所以佢希望順利捱得過呢趟旅程。而Helen另一個生日願望就同姻緣有關,佢好期待遇到真命天子啊!

 相關推薦

熱門搜尋