逆天奇案2丨劉家豪榮休之作屢破佳績 台前幕後期待再拍逆天系列

熱播劇《逆天奇案2》喺屢破佳績下圓滿大結局，為答謝台前幕後付出努力，總監製劉家豪率領一眾演員再次慶功。啱啱同李琳琳慶祝完金婚紀念嘅姜大衞，就被家豪哥要求分享夫妻相處之道，John哥話好簡單一個字「忍」，互相忍讓，仲要「頂」，頂得順對方。

之前一眾演員相約睇大結局，但係獨欠 陳展鵬 ，喺慶功宴上，佢同 林夏薇 都重演訂情動作，仲解釋之前去咗新加坡登台兼且為劇集拉票，身邊嘅 劉佩玥 都話被森Sir同阿Wing離別一幕搞喊，鬼馬嘅展鵬即笑指阿Moon平時拍戲時好難先喊，其實連當事人林夏薇都話估唔到睇到嗰幕都忍唔住喊咗出嚟，就連方力申都變淚人。兩輯《逆天奇案》令一眾演員建立深厚感情，佢哋都希望可以繼續延續《逆天》系列，當中更指大反派張頴康角色更係不可劃缺。

家豪哥更獲太太梅小青以及囝囝一家到賀，榮休之作取得佳績，家豪哥都好開心，佢亦話畢竟做咗電視行業50年，心中一定有不捨，不過佢話想多啲時間陪吓家人，嚟梗仲會三代同堂去旅行。