顏國樑逝世丨上月底與太太作客《直播零接觸》 樂觀面對生死遺願作大體老師

上月底佢同太太霍潔貞作客梁思浩主持嘅節目《直播靈接觸》，傾談「續命」一事，當思浩指顏太喺年初時，為入院昏迷嘅顏國樑四出搵方法續命，喺錄影廠精神奕奕嘅顏國樑仲鬼馬話好感動。

最後一次亮相幕前，顏國樑接受主播 詹可琳 訪問時都有分享近況，佢話日常生活都靠太太照顧，仲以「少年夫妻老來伴」形容夫妻恩愛關係。雖然身體自從年初病危後變差，但係佢仍然堅持教太極，保持健康身心。憶述年初昏迷入院，佢話半隻腳踏咗入鬼門關。

面對死亡，顏國樑一直抱樂觀正面態度，佢話當初得知患鱗狀細胞癌，就即刻將簽妥嘅「大體老師」捐贈卡交畀醫生，希望死後能夠對醫學有貢獻，而佢坦言唔怕死，只係希望離開一刻唔好太辛苦。