IU睽違6年來港巡唱 《一人之境》廣東話慰港迷

極受各地歌迷歡迎嘅韓國「國民妹妹」 IU (李知恩) 再次來港開騷，香港站兩場演出順利舉行。睽違6年來港演出嘅佢，唔止連唱成3個鐘頭，仲早早練習 林家謙 嘅《一人之境》為港迷演出，非常貼心。

IU再次來港舉行兩場世巡演唱會香港站
IU嘅演出以人氣新歌《Holssi》揭開序幕，佢仲特別邀請咗12位香港小朋友作為特別嘉賓一同演出，其後又分別唱出《BBIBBI》、《Celebrity》、《Blueming》等多氣歌曲，現場反應非常熱烈。

佢之後又指再次同香港Fans見面非常高興，希望大家都享受自己精心準備嘅演出。一向對歌迷可謂無微不至嘅佢，為咗同大家可以好好溝通而一早練習廣東話，又大讚香港歌迷「你哋嘅聲音都仲係咁好聽」，之後佢就為現場觀眾獻唱《一人之境》令現場氣氛推至高峯。

除咗邀請12位香港小朋友合作，IU仲早早為港迷練習廣東話同廣東歌
 
喺現場觀眾嘅熱情之下，IU首場先後兩次Encore，仲開放俾現場歌迷點歌，之後先後演唱《Knee》、《Ending Scene》、《Lilac》，最後以《Palette》作為全晚總結。IU仲向全場觀眾承諾，一定會盡快再來港獻藝，期待下一個世界巡迴演唱會再次跟大家見面！
對Fans有求必應嘅佢仲話會盡快再來港為大家演出