神耆小子丨鄭則士開名表揚4位後輩 樊亦敏劇透結局會有壞人角色出現

神耆小子丨鄭則士開名表揚4位後輩 樊亦敏劇透結局會有壞人角色出現

熱播劇《神耆小子》踏入結局周,鄭則士、蕭正楠、樊亦敏、冼靖峰、羅毓儀等一眾演員,呢日坐開篷巴士由電視城出發,去到港九鬧市宣傳造勢,沿途不停同市民打招呼,所到之處仲吸引到唔少人圍觀。

向來提攜後輩嘅Kent哥,特別表揚蕭正楠、樊亦敏、冼靖峰、羅毓儀呢四位嘅演出,令劇集生色不少呀!首次坐開篷巴士嘅Kent哥,話感覺相當興奮,加上劇集有好嘅口碑,好多謝觀眾們嘅支持。講到Kent哥相當提攜後輩,佢就話自己係表揚大家,因為大家都負出咗努力,而樊亦敏就爆Kent哥相當緊張Archie,仲講笑話佢同Archie、阿蕭先係一對,而自己喺劇入面係佢哋嘅第三者。講到大結局,樊亦敏就劇透會突然有個壞人走出嚟,仲要係大家估唔到嘅人物呀!

阿蕭同Archie兩父子初次合作就已經火花十足贏盡口碑,所以嚟到結局周,阿蕭都話要落力宣傳,佢喺巴士上全程又唱歌又呼籲一眾市民要收睇結局周,而Archie同羅毓儀就戥fans辛苦,羅毓儀喺活動前仲收到fans嘅DM,問呢日嘅花車會唔會因為天雨而取消,羅毓儀亦有耐心一一回答fans呀。

 相關推薦

熱門搜尋