佘詩曼49歲生日燦笑捧雙層蛋糕 嫌演女強人太頻密冀暫別同類角色

大滿貫視后 佘詩曼 生日快樂！今日係阿佘49歲生日﹐除咗繼續Keep Fit巧遇《金枝慾孽》另一小主，朋友滿天下嘅佢當然獲得大家同佢好好慶祝，阿佘喺社交平台貼出自己手捧一個貼滿佢入行各個經典角色靚相嘅雙層蛋糕，笑容非常燦爛。

佘詩曼今日踏入49歲

阿佘近年穿梭內地唔同劇組，拍攝多奪劇集，演技出眾嘅佢宜古宜今，好似去年嘅《新聞女王》、現正播出嘅《家族榮耀之繼承者》同內地劇集《今天的她們》都扮演非常Tough嘅女性，阿佘早前就表示過希望先停一停，因為擔心觀眾會睇厭佢嘅女強人演出咁話。

佢喺《家族榮耀之繼承者》同林峯嘅一段時令觀眾非常肉緊《新聞女王》中嘅Man姐令佢成為大滿貫視后

但係早前又有消息指，去年橫掃中港觀眾嘅《新聞女王》將有計畫開拍續篇，如果阿佘暫時唔再扮演女強人，咁Man姐文慧心係會化身成小鳥伊人吖，定係會黑化為大奸角呢？

早前佢指擔心觀眾會睇厭佢扮女強人，希望可以有其他突破