沙特阿拉伯潮什麼丨梁芷珮老公秒變油王獲集郵 拜訪水上清真寺夜遊咖啡店

《沙特阿拉伯潮什麼》嚟到最後一周， 梁芷珮 繼續帶大家走訪沙特阿拉伯首都利雅得（Riyadh），以及第二大城市吉達（Jeddah）。噚晚（27號）播出嘅第四集，Christy遊逛利雅得最大型兼最古老市集Souq al-Zal，Christy丈夫Kenneth體驗穿著傳統服裝；秒變「油王」嘅Kenneth，獲唔少當地人主動打招呼兼集郵，完全感受到沙特阿拉伯人的熱情。之後，佢哋去到「世界邊緣」，喺峭壁頂端俯瞰一望無際嘅景色。Christy仲以三百多港元，觀賞超級球星C朗獻技，近距離一睹其招牌慶祝動作。

油王打扮嘅Kenneth於街頭不斷被集郵Christy仲趁難得機會入場欣賞C朗獻技

嚟到今晚（28號）播出嘅第五集，Christy帶大家參觀首個沙特王國原居地Diriyah，又特意訂咗一間位於酒店頂層嘅地球形狀地標餐廳，嘆足六道環球美食。由於沙特阿拉伯夏日最高溫度可達50度，當地人嘅活動時間比較晏，令到平日早睡早起嘅Christy亦變成「夜鬼」，喺凌晨12點到超大型咖啡店朝聖。

當地景物建築充滿異國風情，Christy仲話此行變成夜鬼

今、明（29號）兩晚，Christy轉飛往吉達繼續四圍「探險」，先後到咗巴拉德（Al-Balad）同水上清真寺參觀。Christy又到已經有250年歷史、曾屬大戶人家嘅古老大宅參觀，屋內保留大部分獨特傢俱，現已轉型為懷舊咖啡店。

佢哋更到去到「世界邊緣」，喺峭壁頂端俯瞰一望無際嘅景色

《沙特阿拉伯潮什麼》星期一至三晚 22:30 翡翠台