葉麗儀入行55周年8月開騷紀念 自曝身形Fit爆靠運動飲食要自律

一首《上海灘》唱遍全華人社會嘅 葉麗儀 ，即將為紀念入行55周年舉行演唱會。8月舉行嘅演出呢日舉行記者會，主辦代表仲率先向Frances送上鑽石咪預祝演出順利，呢次以感恩為主題嘅演出，Frances仲邀請咗合作無間嘅 倫永亮 擔任音樂總監。

Frances話入行咁多年來，身邊一直受到好多人嘅提攜同指導，今次亦藉機會以呢班對自己有恩朋友嘅歌曲同作品各佢哋致意。而近廿年來合作最多嘅Anthony就順理成章會負責呢次演唱會喇。

Anthony亦大讚Frances一向專業又敬業，雖然一個喺香港一個喺澳洲，但係電郵聯絡下一樣高效率，大家嘅默契仲一樣咁好呀。雖然Frances已經76歲，不過身形一樣Fit到漏，原來佢就靠有運動嘅恒心，個個星期高爾夫、踩單車、普拉堤、散步乜都有，仲話對腳部肌肉特別注重，仲話自律非常重要呀。