郭晉安離婚後首度見傳媒 兩年前轉讓公司股份予胞姐

郭晉安同歐倩怡本月初時，無預警下突然喺社交平台公布離婚消息，兼且喺兩年前經已分居。回復單身嘅安仔一直無公開現身，聽日（29號）佢將會首度面對傳媒，出席電視城舉行嘅新劇《金式森林》造型暨拜神儀式，相信離婚一事將被追問。

郭晉安星期三中午將現身新劇《金式森林》拜神儀式離婚後首次公開露面嘅佢，相信會被追問近日連串新聞

而安仔胞姐郭致因喺99年創立嘅草姬集團，向港交所提交上市申請，擬於主板上市。資料所見，擔任非執行董事兼品牌大使嘅安仔，每年為集團市場營銷提供整體戰略建議而收取總酬金64萬元。

另外安仔喺22年3月23號，分別以30萬元代價，轉讓草姬國際相當於已發行股份3成普通股予郭致因，同日又以15萬元代價，轉讓草姬國際另一子公司ZINO International 15萬股普通股予郭致因，而交易時間同安仔跟前妻歐倩怡兩年前分居時間相約。