未婚妻王青霞7宗罪下月再審 李龍基心情差趕往律師樓協商

李龍基 嘅36歲未婚妻 王青霞 ，早前因涉及逾期居留、使用虛假文書等7項罪名，被入境處檢控。案件5月28號喺沙田裁判法院續審，辯方喺庭上透露正同控方進行認罪協商，案件押後至6月19號再審，Chris需要繼續還押。

載住Chris嘅囚車上午約8時45分抵達法院，5分鐘後基哥亦現身法院大門。面對守候嘅傳媒，基哥企定揮手打招呼，但未有受訪。

喺庭上，Chris目光不時望向基哥，而基哥亦顯得神情緊張。對於未婚妻再度還押，心情麻麻嘅基哥離開法院時未有受訪，只透露需要趕往律師樓商討，然後急步離開。