郭晉安宣佈離婚後公開現身 回應婚變原因外界傳聞

早前宣佈同 歐倩怡 已經分居兩年正式宣佈離婚嘅 郭晉安 ，呢日首次公開露面，現身新劇《金式森林》嘅造型同拜神儀式，成為傳媒追訪焦點。佢亦開腔對離婚嘅細節回應，指同歐倩怡仍保持友好關係，子女亦了解父母嘅關係轉變。

目前同小朋友同住嘅佢，對外界猜測Cindy因為近年潛心讀書發展事業而令關係轉變，就提到兩人相處發生問題有好多原因，並非因為單獨某一原因而起。至於外界所指嘅公司股份問題同其他傳言，佢就指身處娛樂圈多年，早已習慣傳聞滿天飛。

有傳媒問及有否挽救婚姻，安仔就指難以公開言明，因為係屬於佢同Cindy嘅私事，加上已相隔一段時間，亦似乎唔應該重提舊事。至於要父兼母職，佢就指要同時拍劇未算太缺少親子時間，而8月就會陪囝囝赴英升學。