佘詩曼獲閨蜜慶祝49歲生日 集氣許願：佘媽媽身體健康

5月28號係大滿貫三料視后佘詩曼嘅正日生日，一班「七魔女」嘅好姊妹梁靖琪、文頌嫻、湯盈盈、鍾麗淇、周家蔚同姚樂怡齊齊為阿佘慶祝49歲生日。出名係孝順女嘅阿佘，仲分享咗攬實媽咪嘅溫馨相，戴上頭巾嘅佘媽媽精神飽滿，笑容甜美。
幾位好姐妹為阿佘慶祝49歲生日。
喺帖文盡現阿佘孝心之外，又話踏入第49年，好似做咗好多嘢，但係又好似有好多嘢重未做，要學嘅嘢重有好多好多，其中一個大課題就係生老病死。
阿佘喺帖文中罕有提及佘媽媽近況。
甚少提及家事嘅阿佘，喺帖文中談及佘媽媽近況：「喺媽咪唔舒服嘅呢一年半，我好似又大個女咗，變得更堅強。健康當然重要，但係開心始終係第一位，淨係日日都見到媽咪呢個招牌笑容都冧哂啦～」壽星女又分享今年嘅生日願望：「希望大家一齊集氣，祝佘媽媽身體健康啦！」

阿佘同媽媽感情好好。