神耆小子丨與爸爸曹永廉法庭起爭執 羅毓儀慘被掌摑情激動

劇集《神耆小子》踏入結局篇，飾演多多嘅羅毓儀意外知道曹永廉並非生父，為咗幫助阿公（爺爺）鄭則士討回公道，佢就喺阿廉屋企拎返屬於阿公嘅文件，令阿廉告Kent哥計劃失敗。氣憤嘅阿廉喺法庭捉住囡囡Yuki質問，其間聽到Yuki講咗一句「唔怪得阿公對你失望。」立即觸動咗神經郁手掌摑囡囡，令Yuki情緒激動。

阿廉都話掌摑人比被摑嘅壓力大好多，事前都要不停度位，加上而家導演都希望真打。講到事前知道呢場掌摑戲份，阿廉笑指話知道摑Yuki之後，就諗到佢塊面都有啲肉，Yuki即要求阿廉幫手摑走包包臉。

呢場戲搞到好似父女決裂，但係喺劇中計仔多多嘅Yuki話背後另有目的，佢係密謀令到爺爺Kent哥同爸爸阿廉修補關係，至於計劃係點就要密切留意劇集結局篇。