獨家丨劉可獲粉絲寫歌表心意 親民髮型深得「可粉」歡心

《中年好聲音2》參賽者劉可同一班「可粉（粉絲暱稱）」聚會，呢次係佢哋「劉可村」第五次聚會，可粉特別寫咗首村歌送畀村長劉可，劉可收到粉絲心意感到好開心，因為呢種可愛聲音就會化成正能量傳播畀大家。

《中聲2》鍾晉生同《中聲1》曹敏寶有嚟撐場，佢哋同 娛樂新聞台主播 潘盈慧 輪流上台同劉可合唱。鍾晉生話自己到嚟係有任務，因為佢一直發覺劉可好錫粉絲，所以要肩負監察重任，睇吓劉可係咪繼續對粉絲咁好。為咗令粉絲覺得佢夠貼地同親民，劉可唔整頭現身，一班可粉不知幾受落，仲希望劉可繼續呢個可愛髮型，完成咗聚會，劉可跟隨明星足球隊到汕頭出賽，之後再應付一連串登台工作。