許瑋甯尷尬回應賀軍翔捲桃色糾紛 傳與楊丞琳友情生變：唔想公開談論

男星賀軍翔嘅住所日前被警方搜查並扣走手機等證物，有指賀軍翔喺私人聚會疑性侵一名女子，與賀軍翔一同演出熱播劇《不夠善良的我們》嘅許瑋甯，呢日出席代言活動，被問及賀軍翔為人，許瑋甯覺得賀軍翔喺工作上非常努力。

許瑋甯指劇集煞科後各自忙工作，跟賀軍翔冇聯絡，又指自己唔方便講太多，被問多年好友楊丞琳unfollow其社交平台，盛傳二人友情生變，私下互動減少，許瑋甯就唔想公開談論私事，亦唔需要向大家報備，希望大家多留意楊丞琳喺工作上嘅努力。

許瑋甯同邱澤結婚3年未有辦婚禮，雙方長輩好心急，佢笑言因兩公婆太懶惰，又一直希望喺秋天進行，暫時未決定幾時，因為婚禮細節太多，佢坦言今年趕唔切搞！