女團VIVA初出道赴韓國拍MV 成員各有擔當 Macy力度取勝

女團VIVA初出道赴韓國拍MV 成員各有擔當 Macy力度取勝

新晉女團「VIVA」日前正式出道,四位成員姜咏鑫(Ada)、李晞彤(Carina)、馬思惠(Macy)及張鈊貽(Valc)已經蓄勢待發,首支派台作品《Topic Killa》亦同步面世,由音樂班底、錄音、MV拍攝及舞蹈編排都係由韓國團隊負責。

新晉女團「VIVA」日前正式出道,首支派台作品《Topic Killa》亦同步面世。

Carina係隊中「藝能擔當」,首次到韓國錄歌嘅佢感受最大係唱歌部份,覺得韓國同香港嘅唱歌模式大不同,學咗好多新嘅唱腔、發聲同技巧,以及點樣運用喉嚨或者聲帶嘅肌肉。組合各成員都用咗好多時間去平衡,相信每位都為唱歌部份而喊過,好彩喊完大家都冇事,只係抒發一吓,之後又再接受挑戰。

Carina係隊中「藝能擔當」,首次到韓國錄歌嘅佢感受最大係唱歌部份,覺得韓國同香港嘅唱歌模式大不同。

隊中嘅「舞蹈擔當」Valc話可以同自己欣賞嘅排舞師合作好開心;而外表甜美嘅Macy除咗係「唱歌擔當」之外,亦係「大力擔當」,Macy自爆喺韓國受訓期間,有一晚自己喺宿舍嘅下層,其他人喺上層,突然發生一聲巨響,原來喺坐爛咗張櫈,大家緊張到即刻衝落嚟以為發生大事,好彩有驚無險。身為「姐姐擔當」嘅Ada立即和議,更爆Macy好大力,仲話佢哋第一日去到韓國宿舍樓下時發現楝大廈冇𨋢,結果Macy迅速地一口氣將兩個篋行樓梯搬咗上三樓,令大家見識到Macy嘅力量。

隊中嘅「舞蹈擔當」Valc話可以同自己欣賞嘅排舞師合作好開心。

去到MV拍攝現場,唔單止首次見到為佢哋打氣嘅應援餐車,喺工作人員悉心安排下,每拍攝完一個鏡頭後,就會自動出現四張櫈等佢哋休息。除此之外,當然唔少得艷遇,竟然一齊心心眼話:「我哋MV有一位工作人員好大隻、好靚仔,我哋走咗去問經理人可唔可以簽佢返香港。」
身為「姐姐擔當」嘅Ada立即和議,更爆Macy好大力。

 相關推薦

熱門搜尋