岑麗香將囝囝畫作變玩具 以舊衫製作成毛公仔

岑麗香之前將自己改造舊衫嘅片放上社交平台，得到唔少網民大讚話佢改得好靚。呢日香香又有新搞作，佢將囝囝Jacob畫嘅畫實體化變成毛公仔，氹得Jacob勁開心呀！
香香同囝囝Jacob進行親子活動。
香香同樣將成個過程拍低，佢先係問邊食緊蘋果邊畫畫嘅Jacob，想唔想將幅畫變成玩具，但聽到媽咪詢問嘅Jacob就一頭黑人問號，於是香香就叫Jacob就叫佢伸出一隻手，然後就凌空變出由Jacob畫嘅車車製作而成嘅車車毛公仔。
香香將 Jacob 畫嘅車車實體化。
呢次香香係用Jacob唔啱身嘅舊衣嚟升級改造成Jacob畫嘅車車，兩母子一齊由畫紙樣開始，再一次剪布、縫紉。香香表示自己細個嘅時候，佢媽媽同樣都係用廢布為佢嘅芭比公仔做咗件衫，所以佢先忽發奇想，想將Jacob嘅畫作變成實體。
兩母子一齊將車車製造出嚟。
香香喺帖文中今次呢個同Jacob嘅親子活動，除咗自己可以做佢鍾意嘅縫紉外，又可以令囝囝得到一架由自己設計嘅玩具車，但因為同時要全程睇住Jacob要安全使用剪刀同別針呢啲鋒利嘅物品，所以亦令佢有啲焦慮，不過好在今次呢個計劃中冇人受傷，而Jacob亦得到自己設計嘅玩具車。