Coffee自爆嚴重爛面推廣告拒影相 睇中醫想生B出事心情直墮谷底

林芊妤（Coffee）於2021年喺社交平台透露懷孕不久後就自然流產，經過一段時間調理身子，去年佢睇中醫想生仔，食咗兩、三個月藥，突然嚴重爛面，而阿仔更叫佢「暗瘡怪」，由於爛面情況反覆，令Coffee心情跌至谷底。

Coffee去年睇中醫想生仔，食咗兩、三個月藥，突然嚴重爛面。

Coffee坦言自細被讚皮膚超好，而佢就覺得生得靚啲比較重要，直至2023年迎來沉重教訓，佢塊面忽然出暗瘡、暗粒及過敏，塊面留咗唔少暗瘡印，Coffee又要開工，只好靠帽同遮瑕膏，結果焗住皮膚又不停惡性循環，每日Coffee照鏡都忍唔住尖叫，當時推咗好多廣告拍攝，完全唔想影相，去年更被阿仔叫「暗瘡怪」，去到今年先回復皮膚狀況，Coffee認為啲藥唔啱自己食，之後又改變吓生活習慣，而家皮膚先變番靚。

由於爛面情況反覆，令Coffee心情曾跌至谷底。

有網民問佢唔係做運動同瑜伽會皮膚好，Coffee喺IG親回：「就算做運動做瑜伽都好唔代表皮膚一定會係好靚㗎。」另有網民關心佢點樣慢慢好番，Coffee亦回應：「之後冇睇中醫，其實都反覆咗一段好長嘅時間，好似啲中藥激活咗我身體入面嘅暗瘡出嚟咁。」不少網民分享自己嘅皮膚狀況，Coffee希望大家能搵出原因，然後對症下藥。
不少網民分享自己嘅皮膚狀況，Coffee希望大家能搵出原因，然後對症下藥。Coffee認為啲藥唔啱自己食，之後又改變吓生活習慣，而家皮膚先變番靚。