陳凱琳Fit爆行格仔山 城寨以外緬懷往日香港

近期一部以九龍城寨為主題嘅電影，以強勁武打場面，仲重現已經不復存在嘅城寨人與情，更加引出唔少過往嘅居民分享當年嘅生活小故事。而除咗城寨之外，令香港享譽世界成為國際城市嘅 啟德機場 ，亦已變成一棟又一棟高樓，要緬懷嘅話，就可以學 陳凱琳 去位於九龍仔嘅「格仔山」行吓想像航班穿越九龍降落嘅景象喇。

陳凱琳日前同朋友一齊到訪格仔山

呢個喺《新聞女王》中 李施嬅 嘅舒壓秘密基地，其實係位於九龍仔嘅樂富配水庫休憩花園毗鄰，係當年啟德機場13航向跑道嘅最後指標，機司駕駛航機見到格仔山，就要準備右轉向降落。

《新聞女王》當中嘅 張家妍 將格仔山當成自己情緖宣洩嘅工具

Grace近日就以一身露背運動裝，大曬女性韻味，約埋朋友一齊一探呢個位於市區嘅郊遊勝地喇。已為三子之母嘅Grace身形依舊Fit到爆，身形毫無贅肉。佢仲話原來一早已經約好呢次行程，不過就因為近日天氣都唔好，所以到呢日先臨時同朋友一齊出發喇。

Grace呢日一身運動裝大曬Fit爆嘅身形