黃建東分享扮嘢心得開心曾獲阿Sa認同 群星拍片鼓勵學生發揮創意

黃建東分享扮嘢心得開心曾獲阿Sa認同 群星拍片鼓勵學生發揮創意

黃建東最近喺《福祿壽訓練學院》憑「一人Avantgardey」成為話題人物,熱愛演藝事業嘅東東,呢日出席全港創意公關大賽分享其創作及「扮嘢」心得,而林峯、方力申、鄧麗欣、張敬軒、吳浩康等拍片鼓勵參賽學生。

黃建東鼓勵學生積極參與比賽展現創意,並分享其創作及「扮嘢」心得。

黃建東擔任公關大賽分享嘉賓,他寄語參賽學生創意十分緊要:「記熟比賽框架,每一個比賽都有其規則,然後尋找無限的可能。」

東東對演藝充滿熱誠,本身佢鍾意參加比賽,入行係因參加《香港先生選舉》得到演藝潛能大獎及地區公投Pose王獎,其後參加《全能司儀大賽》有機會做台慶司儀、之後又參加《福祿壽訓練學院》,東東走出一條新路,佢鼓勵同學仔要把握機遇參加比賽,多參加比賽就會知己知彼。

「一人Avantgardey」跳出瘋癲新高度!

東東曾扮演多個搞笑角色譬如Piko太郎《PPAP》、「一人Avantgardey」,佢係紐約州立大學佛東尼亞分校戲劇系學士,以高級榮譽畢業。佢回想2016年拍粵語諧音版《PPAP》用一日時間拍攝,擺上網10個鐘頭已過百萬,工作接踵而來,做司儀、唱歌、登台、拍廣告及電影,創意帶來意想唔到嘅回報。東東自爆有次同蔡卓妍(阿Sa)拍戲,佢邀請阿Sa合照, 原來阿Sa有睇過條片,阿Sa當時笑言「梗係得啦,我好鍾意睇你啲片呀」,東東創作獲得認同,令佢覺得好開心。

黃建東惡搞PPAP玩廣東諧音。

東東坦言有人批評「降低身段」參加《福祿壽訓練學院》與素人爭獎,東東豁達回應:「既然TVB有此比賽,我也鍾意扮鬼扮馬, 我好想活在當下抓緊呢個機會,所有配套要我自己一手包辦,好多人扮四大天王 ,我就扮近年hit人物「一人Avantgardey」男扮女,視覺令人留下深刻印象。佢都估唔到評判王祖藍、阮兆祥同李思捷評價咁高, 亦估唔到被選為該集top student,東東唔介意負評,因為參賽係想挑戰自己,坦言創意十分緊要。
大賽籌委會召集人李彥儀頒發感謝狀給黃建東,為大專參賽者提供啟發創意的方法。

 相關推薦

熱門搜尋