Miko Wong任修身品牌大使 狂賣口乖拒搶佔明禎工作

來自馬來西亞嘅 Miko Wong呢日以一身粉紅露肩短裙，現身一個修身代言活動，擔任品牌大使嘅佢盡展美好身段，而近年正於韓國嘅偶像學院接受訓練嘅孖妹童星的 JJBABY 亦即場大騷成果。

Miko同JJbaby呢日一齊現身修身活動

過往曾嘗試多種唔同減肥Keep Fit方式嘅佢，呢日宣傳時亦大賣口乖，仲話終於搵到方法減走鬼祟肉，仲同時可以保持上圍咁話。

來自大馬嘅Miko呢日大賣口乖

被指係翻版林明禎嘅佢，對近日明禎因健康問題而停工，問到佢會唔會乘機搶攻時，佢就話：「唔好話取代，都係工作啫。希望佢好好休息，照顧身體。」佢仲笑言自己非常「捱得」，稍後會為一個模特兒大賽擔任評審咁話。