音樂劇香港首映中聲幫到場偷師 Ramon爆演唱會人人有大突破

羅啟豪 黃劍文 王玥 何婉盈 文佩玲 劉芷君 劉智衞 貝安琪 等齊齊現身一部音樂劇嘅香港首演禮，而呢日Ramon仲自爆自己對Musical非常鍾情，各個劇目有時間都會入場觀摩，仲話希望有機會可以一嘗演出滋味呀。

至於阿Sam就指原作電影版自己已經睇完再睇，呢次就非常期待劇場版嘅演出，佢哋仲話要向演員取經偷師咁呀。《中聲》演唱會好快就會舉行，Ramon就話大家都已經逐漸開始各式準備，希望到時帶更特別嘅演出俾大家呀。

而帶埋兩位小朋友到場嘅王玥就好似有兩位小助手咁，全程幫媽咪影相拍片，非常可愛。而未入場睇過音樂劇嘅Kimman亦都對劇情非常期待，即將會演出以張國榮為題材音樂劇嘅佢，就話要金睛火眼睇實所有細節吸收經驗咁話。