哈林 伊能靜囝囝畢業禮無同框 為樂團選秀節目任導師自認脾氣差

庾澄慶 同前妻 伊能靜 嘅囝囝小哈利 庾恩利 ，日前於紐約大學畢業，哈林同伊能靜都有去參加畢業禮，雖然好可惜見唔到三人同框嘅相，不過就睇得出佢哋非常以小哈利為榮。

哈林返到台灣之後，就馬不停蹄為新節目錄影，呢個節目係以樂團為主嘅選秀節目，由哈林、魏如萱、亂彈阿翔同陳君豪擔任導師，佢地會分別率領自己嘅戰隊，爭取100萬嘅冠軍獎金。四位導師分別分享自己揀隊員嘅標準，阿翔話希望學員可以呈現音樂嘅方式可以直接赤裸，不過佢就就搞笑補充話如果著少啲衫都會加分嘅。哈林就話自己嘅標準係要貫徹一個「爽」字，唔止台上嘅人表演得爽，台下聽嘅人都要爽，咁就雙贏啦！

哈林仲自爆獅子座嘅自己脾氣唔多好，不過佢就唔介意同隊員有爭拗，因為佢認為有唔同意見先可以促進彼此進步。