木村心美首訪港演出 與牛牛為法國五月藝術節獻藝

萬人迷 木村拓哉 同 工藤靜香 嘅兩位千金長大之後分別向唔同方向發展，細妹光希追隨父母化身成為模特兒同演員，參與唔同作品演出。而家姐心美就相對文靜，3歲就開始接觸音樂嘅佢，後來轉攻長笛，自始仲獲獎無數，近年仲銳意發展演奏事業。

木村心美近年專注發展演奏事業

近日心美就應法國五月藝術節邀請來港，同另一位年青音樂家 牛牛 張勝量 合作，喺演藝學院舉行咗兩場「琴笛和嗚」演奏會。今次係心美首次來港，而媽咪工藤靜香亦有同行。

近日佢同媽咪工藤靜香來港，同牛牛張勝量(右一)合作兩場演奏會

心美同牛牛今次合作演奏多首樂曲，除咗唔少古典樂章之外，就連《梁山伯與祝英台》亦都包含在內。而今次已經唔係兩位年青音樂家嘅首次合作，過往佢哋已喺唔同場合同台獻技，仲包括心美嘅首次公開演出，牛牛於日本時又會相約見面，兩位可以話惺惺相惜。

過往兩人就曾經合作過
早前又為今次香港演奏見面討論