丘家長孫女生日舉家同賀為阿佘牛一放低心病停火

喺重頭劇《家族榮耀之繼承者》鬥到難分難解各懷鬼胎嘅丘家上下仲有關連人物，呢日難得放低成見，齊齊停火，為扮演長孫女Charlotte丘皓兒嘅佘詩曼慶祝生日。全家上下笑容一致，槍口對外，唔知劇情又係咪會咁樣發展落去呢？

《家族榮耀之繼承者》上下一齊為阿佘慶祝生日

阿佘生日慶祝停不了，劇中周旋喺佢身邊嘅林峯仲有黃浩然呢日就梗有捧場啦，被兩位型男左右住心境嘅佢，笑容就幸福到痺喇，而打扮嚟睇，呢日就似乎係浩然一身魚網Shocking Pink同壽星女阿佘嘅粉藍色襯啲，似乎小勝呢仗喇。之不過捧蛋糕時又係阿峯一齊好似夫妻一樣，到底最後Charlotte會情歸何處？真係連戲外合照都要金睛火眼睇實至得咁喎。