周家蔚教煲滋補湯水 暑假撇甩老公孖湯盈盈行長城

周家蔚 呢日出席一個護膚品牌活動，作為兩子之母嘅佢，話咁快大仔都準備升中喇！而保養得宜嘅家蔚，透露平時會煲一啲養生滋補嘅湯水畀自己同家人飲用，佢仲同大家分享呢啲滋補湯水最好一星期飲兩次，效果先會最好。

家蔚話自己喺運動方面最近就減少咗，反而兩個囝囝，大仔就會踢波，而細仔就有做體操，所以平日都係負責帶兩個寶貝仔去做運動。家蔚透露嚟緊暑假將會同湯盈盈去北京行長城，呢次仲會帶埋兩個囝囝一齊去當親子之旅，但係佢哋嘅老公洪天明同錢嘉樂到時就唔會隨行喇。

講到老爺洪金寶被影到自己一個坐電動輪椅去街市買餸，家蔚就指呢個係老爺嘅習慣呀。