吳磊到阿爾卑斯山拍攝感覺似旅遊 Mads Mikkelsen再訪上海期待周圍逛逛

內地劇集小生陳哲遠、張魯一、吳磊呢日現身上海出席意大利男裝品牌活動，作為品牌全球大使嘅吳磊，早前去到意大利北部拍攝，因為地點位於阿爾卑斯山群山中、佢哋創建嘅綠州內，吳磊話出發前已經不斷聽到啲工作人員講當地景色好靚，當佢去到時覺得完成認證到，仲話當地唔只景靚，空氣都非常之好呀。


吳磊表示有唔少遊客喺當地踩單車或者揸電單車嚟遊覽，佢話感覺喺當地同喺城市嘅時間流速完全唔同，而呢次佢哋坐纜車上山拍攝，感覺成個行程就好似去緊旅行一樣呀。

同場仲有遠道而嚟、曾榮獲康城影帝嘅丹麥男演員Mads Mikkelsen，再度訪上海嘅佢，就話好期待喺空閒時間周圍睇上海嘅變化呀。