馬明為靚湯秘辦生日驚喜冧暈 Bosco笑蔡潔水浸車揀買新船

新婚嘅 馬國明 早前首次以丈夫身份，為老婆 湯洛雯 慶祝生日，獲靚湯出Post曬命放閃，大
讚馬明肯為自己改變又一早準備驚喜，完全係冇得頂咁話，甜到甩牙。呢日馬明為新劇《執法者們》拍攝宣傳海報，就對大家關心嘅生BB呢個大問題直接回應，仲話有喜一定會向大家公佈咁話。

佢又話過往都係靚湯為各種大小事張羅，呢次出奇不意嘅突擊驚喜，馬明就早早做足籌備，更幾乎激嬲老婆，非常好笑。

同劇嘅 蔡潔 早前受暴雨影響搞到座駕報銷，事後仲喊到梨花帶下，不過拍檔 黃宗澤 就唔安慰之餘仲話要恭喜Jacky，認為可以換新車，女士應該用Shopping嚟化解唔開心，仲叫對方去睇新車，幾百萬標價都唔怕，呢個衰仔仲叫Jacky下次唔止買車，應該買船，咁就幾大雨都唔使擔心喎。