王心凌5獎橫掃台灣電台頒獎禮 九澤CP擊敗五堅情得組合獎

台灣一個電台日前舉行年度頒獎禮，大批歌手現身出席盛會，而 王心凌 近年因為參加內地綜藝節目事業再創高峯，呢日就連獲5個獎項，成為全場大贏家，有甜心教主之稱嘅佢呢日就話非常感恩，仲對新專輯令大家有共嗚而非常高興呀。

至於「九澤CP」就獲得最受歡迎組合獎，連本身組合 五堅情 都被擊退只得團體獎，另外 陳零九 同 婁峻碩 亦各自獲得團體獎項。

同樣係今屆金曲歌后候選人嘅 楊乃文 同 孫盛希 呢日都有受到嘉許，佢哋被問到對金曲獎展望時，就齊齊都指會以平常心看待喇。而生完BB冇耐嘅 李千娜 呢日現身狀態一流，產後首次露面嘅佢，仲話湊小朋友要同演員老公 黃尚禾 夾時間安排喇。

早前求婚成功嘅 鼓鼓 呢日向現場傳媒大騷婚戒，喜悅之情溢於言表，仲連受訪時都感受到佢有幾開心呀。而表演嘉賓 動力火車 同 魏如萱 首次同台合唱，仲組成新組合叫「動力娃娃車」，唔知幾時呢個新組合會推出新歌呢？