星光路上足本版｜《巨星》入行進化演員15年 周志康無懼演奸角組家庭後更上進

2009年參加《超級巨星》入行嘅 周志康 早前接受 潘盈慧 《星光路上》專訪，講到入行將近15年，同哥哥 周志文 以孖仔身份同場，卻原來係誤打誤撞同場參賽。兄弟同心，雖然經過唔同渠道報名，與數百參賽者喺商場參加海選，仲獲得唔錯評語，本來信心十足，但係錄影時發現身邊全部高手，就令自信一去冇回頭喇。

賽後隨住安排加入娛樂圈，成為演員雖然非成為歌手嘅初心本意，抱住見識萬心筒嘅心態仲獲得意想唔到嘅機會。同 汪明荃 合作，新人首次落場零概念，又慌又震之下就惟有兄分對戲盡力練習。

俗語話藝人「聲色藝俱全」，事實上一啲都唔易亦毫不簡單，初入行嘅阿康就試過因為體力不足，拍劇又要兼顧MV，搞到遊魂兩頭唔到岸，令佢大驚之下決心要時刻保持最佳狀態。

劇集扮乖仔乖細佬演得多，無趣亦無挑戰性，阿康就指部份角色同性格有唔少落差，而參加綜藝節目前時嘅真性情被部份監製發現，亦令佢擺脫斯文正路角色，開始扮演壞人奸角二世祖。

睇戲學做衰人賤精，好在對手連詩雅係老友，而《再見．枕邊人》嘅雙面人性格，阿康就認為係對自己嘅一大考驗，好玩之餘亦充滿滿足感。外表斯文嘅佢，仲對未來嘅角色下戰書，認為自己可以壞上加壞，覺得反差可以令演出更加出眾。

早已成婚為人父，阿康指當時踏入人生嘅新階段，係成長嘅一大步，亦令自己思考問題有另一睇法，比從前更專注更努力，家庭為自己帶來無窮無盡嘅動力。