芷珊曝節目最後一集滿彩蛋 中聲唱將化身TVB義工送暖

《芷珊約您》嚟緊​​星期日就會播出最後一集，主持 黎芷珊 呢日同兩屆《中年好聲音》嘅一班朋友 陳蒨葶 王玥 林若盈 陳燕娜 丁文俊 魏嘉信 同 林鉫徫 ，仲有 TVB愛心義工隊 嘅同事參與義工活動。

芷珊姐姐就指今個星期最後一集節目，將會播出之前未播嘅大量彩蛋，佢仲話有唔少觀眾反映唔夠喉，所以就特別預備唔少片段播出喇。至於會唔會再加碼，佢就話目前正係初步安排當中，已開始接洽唔同歌手朋友喇。

呢日大家同九龍東區嘅小朋友，齊齊包糭迎接即將到來嘅端午節，各位唱將呢日仲為大家獻唱。事後佢哋都話同一班同學一齊共度，感覺就好似回到當時一樣呀。至於《中年好聲音》將會舉辦第3季，透過節目被大家認識嘅佢哋，就笑指節目好似已經變為國際盛事咁喇。